"استمارة 6 ماتت رسميًا... والفصل بقى محتاج حكم محكمة!"
في مفاجأة طال انتظارها، قانون العمل الجديد لسنة 2025 قرر يدي العمال حقهم بجد: استمارة 6 خلاص راحت في التاريخ، ومفيش فصل من الشغل إلا بحكم قضائي.
يعني من الآخر، صاحب الشغل ما يقدرش يمشي العامل بكلمة أو ورقة، لازم يكون فيه سبب قانوني واضح، والمحكمة هي اللي تقول كلمتها. القرار ده بيحمي العامل من الفصل التعسفي، ويدي له فرصة يدافع عن نفسه وياخد حقه لو اتعرض للظلم.
القانون كمان نظم خطوات حل النزاع من أول التسوية الودية، لحد المحكمة العمالية اللي هتبدأ شغلها رسمي في أكتوبر 2025.
